Io incende le flamma del gaudio calme
in mi lanterna de amor e spero
e vade trans camminos caressate
del prime luce del alba
lassante su dulce lumine
illuminar homines passante
donante a illos le calor del flamma
pro disgelar su cordes triste
Detra nubes obscur sempre remane le sol
e detra le impassibile facies del turba
sempre remane le compassion del anima
Le compassion que nos da
fortia, senso e proximitate al alteres
e nos liga insimul a un humanitate
dividite per diverse linguas e culturas
ma unite per le mesme spero e desiro
Quando io continua vader
trans le camminos matinal
io incontra altere gente qui porta lanternas
que luce con le mesme lumine que le mie
e alora mi spero se transforma
a credentia in le futuro
No comments:
Post a Comment