Dec 1, 2012

Patientia



Mi amor pote vincer
super omne l'obstaculos del mundo
assi como le sol primaveral
funde tote le nive hibernal
Si, como le sol del ver
illo face le folios crescer
e le flores comenciar su florimento

Le Vita me insenia patientia
illo proba le veritate 
de mi sentimentos
Io va monstrar
al Vita et a te
con cento cantos amorose
e mille devote poemas
mi pur honestitate

Mi amor es sincer
e illo es durabile
io va attender
le tempore necessari
Como un amico
io vadera presso te
ma in le anima io porta
le myosotis de suspiro 
que un die eveliara
le lucentia de tu corde


2 comments:

  1. Fontes del photographias:

    http://wallpaperstate.org/wp-content/gallery/wallpaper_rose_12/rose-flower_www-free-wall-paper-com-1.jpg

    http://nordfold.deviantart.com/art/Forget-me-not-II-217083763

    ReplyDelete
  2. 2012: Duo-dece annos ha passate del nove millennio.
    Pro iste anno memorabile, un anno retro io decideva publicar duo-dece poemas pro omne le duo-dece menses. In toto isto amontara a 144 poemas.

    Io habeva multe differente experientias durante iste anno e pro isto non ha mancate inspiration pro scriber poemas in nostre belle Interlingua, que ultra su valor scientific anque ha un grande potential litterari.

    Iste decembre io vole presentar un collection de poemas que io plure annos retro scribeva al femina qui era mi prime amor.
    Le originales son scribite in svedese.
    Quando io colligeva illos, io discoperiva que in toto il habeva duo-dece poemas. In tal maniera illos son apte pro plenar un del menses in mi projecto pro iste anno.
    Io spera que vos los gustara.

    ReplyDelete