Incompatibilitate

Io es un flocco de nive

in le medio del estate

e tu es un radio solar

in le medio del nocte hibernal

Tu es materia

e io antimateria

e quando nos nos incontra

nos deveni nihil

Nostre parolas collide

a medie cammino

e recula retro

al bucca que los creava

Quando io dice 'si'

tu dice 'non'

e quando io dice 'nunquam'

tu dice 'sempre'

Io es un grano de arena

in un vaste oceano

e tu es un gutta de aqua

in un deserto sablose